Jamate Ahle Sunnat Karnataka Branch Belgaum

0

Alhamdulillah Aaj Belgaum Me Hazrath Allama Sayed Muhammad Tanveer Hashmi Sahab Qibla (Sadar Jamate Ahle Sunnat Karnataka) Ki Sadarat Me Jamate Ahle Sunnat Karnataka Belgaum Branch Ka Qayam Amal Me Aaya.

Kasir Ta’adada Me Ulamae Karam, Mashaikh, Aaimmae Masajid Aur Zimmedarane Ahle Sunnat Ne Shirkat Ki. Hazrat Allama Sayed Muhammad Tanveer Hashmi Shab Qibla Ne Kaha Ke Wahid, Tanzeem Hai Jo Jamate Ahke Sunnat Ke Naam Se Qanooni Tourpe Ragistered Hai.

Jamate Ahle Sunnat Karnataka Ke Qayam Ka Maqsad Tameere Ahle Sunnat, Tamire Millat Aur Tamire Mulk Hai Ham Gile Shikwe Bhulakar Galat Fahmiyoun Ko Door Karke Jamate Ahle Sunnat Ko Mazboot Karenge Insha Allah.

Mufti Muhammad Ali Kazi Misbahi Sahab (Secratry JASK) Ne Apne Khitab Me Jamate Ahle Sunnat Karnataka Ke Agraz Wo Maqasid Bayan Kiye Jabke Hazrat Allama Sayed Shamshoddin Kazi Sahab (Vice President JASK) Ne Jamate Ahle Sunnat Karnataka Ki Zaroorato Ahmiyat Ke Hawale Se Guftagu Ki Alhamdulillah Kaseer Taadad, Me Tashrif Farma Ulma, Mashaikh, Aaimma Aur Zimmedaran Ne Khushi Kaz Izhar Kiya Aur Kaha Ke Jamate Ahle Sunnat Karnataka Shakh Belgaum Waqt Ki Aham Zaroorat Hai Aur Tamam Ne Wada Bhi Kiya Ke Insha Allah Jamate Ahle Sunnat Karnataka Ke Parcham Tale Tamire Ahle Sunnat, Tamire Millat Aur Tamire Mulk Ka Kaam Karenge.

Hazrath Moulana Niyaz Alam Qadri (Joint Secretary JASK) Ne Nizamat Ke Faraiz Anjam Diye. Salato Salam Aur Dua Par Majlis Ka Ikhtatam Hua

 

Leave A Reply

This website uses cookies to improve your experience. We'll assume you're ok with this, but you can opt-out if you wish. AcceptRead More

Privacy & Cookies Policy